منتديات كلداني

ثقافي ,سياسي , أجتماعي, ترفيهي
 
الرئيسيةالرئيسيةالكتابة بالعربيةبحـثالكتابة بالكلدانيةمركز  لتحميل الصورالمواقع الصديقةالتسجيلإتصلوا بنادخول
 رَدُّنا على اولاد الزانية,,لقراءة الموضوع اكبس على الصورة  رأي الموقع ,,لقراءة الموضوع اكبس على الصورة
رَدُّنا على اولاد الزانية,,لقراءة الموضوع اكبس على الصورةقصة النسخة المزورة لكتاب الصلاة الطقسية للكنيسة الكلدانية ( الحوذرا ) والتي روّج لها المدعو المتأشور مسعود هرمز النوفليالى الكلدان الشرفاء ,,لقراءة الموضوع اكبس على الصورةملف تزوير كتاب - ألقوش عبر التاريخ  ,,لقراءة الموضوع اكبس على الصورةمن مغالطات الصعلوگ اپرم الغير شپيرا,,لقراءة الموضوع اكبس على الصورةدار المشرق الغير ثقافية تبث التعصب القومي الاشوري,,لقراءة الموضوع اكبس على الصورة

شاطر
 

 شركة العفطية القابضة - حبيب العربنجي

اذهب الى الأسفل 
كاتب الموضوعرسالة
الامير شهريار
(داينمو الموقع)
(داينمو الموقع)
الامير شهريار

شركة العفطية القابضة - حبيب العربنجي Uouuuo10
شركة العفطية القابضة - حبيب العربنجي Awsema200x50_gif

شركة العفطية القابضة - حبيب العربنجي Ikhlaas2شركة العفطية القابضة - حبيب العربنجي Iuyuiooشركة العفطية القابضة - حبيب العربنجي Bronzy1شركة العفطية القابضة - حبيب العربنجي Fedhy_2شركة العفطية القابضة - حبيب العربنجي Goldشركة العفطية القابضة - حبيب العربنجي Bronzy1شركة العفطية القابضة - حبيب العربنجي Shoker1

البلد البلد : العراق
التوقيت الان بالعراق :
مزاجي : عاشق
الجنس : ذكر
عدد المساهمات عدد المساهمات : 6146
تاريخ التسجيل : 07/07/2011
الموقع الموقع : في قلب بلدي الحبيب
<b>العمل/الترفيه</b> العمل/الترفيه : السياحة والسفر

شركة العفطية القابضة - حبيب العربنجي Empty
مُساهمةموضوع: شركة العفطية القابضة - حبيب العربنجي   شركة العفطية القابضة - حبيب العربنجي Clock-icon26.03.18 19:04

شركة العفطية القابضة - حبيب العربنجي Masoum.Political.Blocks.03.121215-1-700x300


آخر تحديث: 26 مارس 2018

 بقلم:حبيب العربنجي


هسة أحسن مشروع مربح هو واحد يسويله شركة عفطية ويصير هو رئيس الشركة، مشروع أبد ما بي أي خسارة. والشغلة ما تحتاج غير إعلان عن إجراءات تشكيل الشركة وتسجيلها في المفوضية العليا للشركات العفطية، بس قبل الإعلان لازم عندك أجواء ديمقراطية، يعني كل واحد حر يعفط مثل ما يعجبه وبالنغمة اللي تناسبه وفي المكان والزمان إللي هو يحدده ضماناً حتى تكون عفطته مسموعة وضمن المواصفات الديمقراطية أم العلوچة.

وأول ما ينزل الإعلان راح تجي عروض تشغيل هذا المشروع، كل واحد عفطي راح يجي ركض حتى يشتغل ويشغل المشروع، والعفطة الناجحة تتطلب نفس طويل ورگبة مثل رگبة تايسون، وشفايف غليظة وأسنان فارگة حتى العفطي يتحكم بالنغمات مثل الهارمونيكا، وبعد الإختبار وسماع العفطات توافق المفوضية العليا المستقلة للعفاط على جودة العفطة وتناسقها مع المستلزمات الديمقراطية، ومن حق العفطي يشتغل في مشروع الشركة المزمع إنشائها ( هاي كلمة المزمع لازم حتى تصير الشغلة حيل دستورية وقانونية للرچاب ).

وبعد التعيين في شركة العفطية القابضة، يجي أبو المشروع رئيس مجلس إدارة الشركة ويعلن مزاد مفتوح، يبيع المناصب بالشركة، يجي يصفطهن عالميز ويبدي المزاد، مدير عام دائرة النقليات منو يريد ، وطبعاً هذا المنصب دهين، تبديل التايرات والإتفاق وي تاجر يبيع التايرات لو الباتريات وعندك الحساب، هذا المنصب أيام الأزلام كان ينباع ببيت دبل فاليوم وهسة عندك الحساب. مدير عام التخطيط والموازنة ، وهذا المدير هو إللي يقرر فلوس الإيفاد شگد عالراس، وشنو مكافآت رئيس مجلس الإدارة، يعني منصب بلاتينيوم ما يحصله إلا إذا واحد ثگيل ومليان. وتعال منصب مدير عام الدائرة القانونية، هذا يطلعك شعرة من العجين حتى لو تجيب صفقة كيات وتدگ عليها صفقة مرسيدس منشأ ألماني، قدرة قادر، يطلعلك تخريجة بالحلم ما حلمان مثله.

وبعدين ورا ما يكمل المزاد، يجي صاحب شركة العفطية القابضة يگعد مع كل عفطي على صفحة، يتفق وياه على الحقوق والواجبات، تعال أنت راح أخليك بلجنة المشتريات بالشركة، بس تعال إشگد تنطيني النسبة رغم أن هو رئيس الشركة بس سولة اللغف لازم يلغف حتى من شركته، وتعال شگد ترسي عقود المشتريات على شركات إخواني وزوج أختي وأبن عمي، ويصير الإتفاق ومع كل وصل شراء يوصل المقسوم .

وتعال أنت الثاني راح أسلمك لجنة السياسات الخارجية للشركة، طبعاً العفطي راح يهز راسه مثل چلب الدشبول عساس يفتهم شنو السياسات الخارجية، هو أبو الشركة سامعها في التلفزيون ولطشها عالشركة، ويگعد يصفط عساس يفتهم من دبش، بس الشي الصح إللي يگوله هو أن رئيس لجنة السياسات الخارجية راح يشبع إيفادات وفلوس الخرجية، وهمين راح يحصل جواز دبلوماسي حتى لا تتوقف أشغال الشركة والركض عالسفارات حتى يدگ الفيزا، تعال راح أصرفلك على كل سفرة باليوم دفتر، تنطيني نصه والباقي إلك، بس أنت من تروح تسافر تنزل بيت گرايبك وأصدقاءك أو حتى بالجامع لو حسينية لأن مستحيل ما عندك گرابة برة من بين خمس ملايين عراقي، وبعدين تروح لفندق فور سيزنز لو ريتز كارلتون وتشرب كوب گهوة ( ولكم لا تفضحونا ترى الگهوة برة بالكوب مو فنجان) وتأخذ وصل الدفع وعليه طمبغة الفندق وتجيبه ونكتب عساس وصل مبيت بالفندق الليلة بدفتر ونتقاسم المقسوم.

يعني صاحب شركة العفطية القابضة منشار كهربائي مو هيچ، حاصودة لغف، وكل الجاكيتات إللي يلبسها بيها جيب بس عاليمنى، لأن لو أكو جيب باليمنى وجيب باليسرى راح يبوگ من اليمنى لليسرى باي پاس. وبعدين يدلل العفطية ذيچ الدلال، مقابل إجتماع واحد بالشهر ، والچايچي إللي يوديلهم الچاي يگول الإجتماع كله رزايل وعركات بالقنادر بسبب عدم قبض النسبة المحددة، ويبدي التهديد، إذا تلعب بذيلك ينسحب منك المنصب، والغريب كل العفطية عدهم ذيول بحسب مصدر بواسيري مطلع . وهذي الأيام أكو تشكيل شركة جديدة، وراح تنضاف مناصب جديدة للمزاد، وبعض العفطية إللي عفطاتهم صارت ما تعجب راح ينطردون، وبعضهم إللي غيّر عفطاته تناسب كل موسم وخبر راح يستمرون، وراح يجون عفطية جداد، وتستمر الشركة بالعمل، وكل شركة عفطية وعفطاتكم بخير.




الـوحـدة المسيـحـية هي تلك التي أرادها يسوع المسيح في الإنجـيل
وما عـداها فـهي لـقاءات لأكل القوزي والتشريب والسمك المزگوف وترس البطون من غير فائدة


شركة العفطية القابضة - حبيب العربنجي Shahriyar3
شركة العفطية القابضة - حبيب العربنجي IMG

أقبح الأشياء أن يصبح كل شئ في الحياة جميل!!
@@@@
ولا تحدثني عن الحب فدعني أجربه بنفسي
@@@@
ليس بالضرورة ما أكتبه يعكس حياتي..الشخصية
هي في النهاية مجرد رؤيه لأفكاري..!!

الرجوع الى أعلى الصفحة اذهب الى الأسفل
 
شركة العفطية القابضة - حبيب العربنجي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كلداني :: 

أخر المقالات والأخباروالأحداث العامة على الساحة :: مقالات باقلام اصحابها

-
انتقل الى: