تسريــــب ــــــــــــــــــ أغلب العراقيين اللي من مواليد الستينات والخمسينات نزولا" وتحديدا" اللي خدموا فترة طويلة بالعسكرية وافتروا العراق داير چعب والتقوا بأشكال انواع العراقيين يگدرون بسهولة يميزون الشخص اللي يحچي وياهم من أي محافظة من خلال اللهجة اللي يحچي بيها .. آني شخصيا" ، وبحكم التجربة والعسكرية والوظيفة والعمر والغربة اي شخص يگلي ( ته مو يازوغ ، أو ربعنه تذابحم ) أعرف بيه دليمي من الرمادي .. واذا يگلي ( تا يجيني ، أو عجي ، او فلو ) اعرف إن هذا الشخص جرياوي من الموصل ، واذا يگلي دحق أو إغشع أعرفه مصلاوي قحي .. كذلك اذا سمعت واحد يگلي ( إتنوع ) بدون تفكير اعرف بيه من طويريج وضواحيها ، وإذا يگلي ( تعال لَيه ، أو إعليمن ) اعرف انه هذا الشخص نجفي .. أيضا" إذا أسمع واحد يگلي ( جابيالي ، او باعيالي ) اعرف انه هذا الشخص كظماوي او معظماوي ، وإذا يگلي ( أنوگده ، و أچوقه ) حي على الصلاة أكول عليه هذا كرخي من الرحمانية والجعيفــــــر والمربعة .. الخ .. واذا گال ( حمرا أو صفرا ) اعرف بيه بصراوي أصل ، واذا استخدم ال چــــــا هواي اعرف انه هذا الشخص من العمارة او الناصرية .. واكو ناس إذا يگولون تلث حروف اعرفهم منين مامنين وخصوصا" أهل الحلة الأصليين وديالى والسوامره وأهل عانة وهيت .. حتى الاسمـــاء .. مهما كانت عصرية ومودرن بس الگف إسم الاب او الجد أعرف الشخص هذا منين أصله ، فمثلا" اذا قريت وحدة اسمها سالي ضيدان چفات مزعل مباشرة" اعرف انه هاي من العمارة - الميمونه .. واذا قريت إسم ليناز فاضل جنازة اعرف انها من الناصرية - الدواية ! وإذا وحدة إسمها ساندي رحيم بعـــرور اعرف إنها من البصرة - المعقل ! وإذا قريت بنية اسمها هيا خضير زناد شناوة اعرف انها من المثنى - الخضر ! وإذا أسمع بوحدة إسمها ديما ستــــار جريذي أعرف إنها من واسط - الحي ! وإذا وحدة إسمها رولا خزعل بطران فهاي من الديوانية عفچ ، وإذا وحدة إسمها يارا خليف حمزه جاروب أعرف إنها من بابل السدة ! وإذا أسمع ببنية إسمها روزا عبدالامير جنكال مباشرة" أگول هاي من النجف - المشخاب .. وإذا أسمع بنية إسمها روبي حسين ناهي عبداليمه فشي طبيعي تكون من كربلاء - الحر ! أما لارا دنخا ابليخا ابلحد فهاي من كمب سارة متقبل غلط ، وإذا أسمع وحدة إسمها دارين حامد نومي حامض فأكيد من ديالى - بهرز ! أما هيفا مخلف ركاض كرحوت فهاي من الرمادي - الخالدية ! وإذا أسمع بنية إسمها حلا كرين برزان السطم فهاي من الشرگاط أو من الگيارة قرية الحاج علي بكسر العين ! أما دالين صباح اوغلو ديلمري فهاي أكيد تركمانية من دوميز ! وإذا نانسي ذنون عتو شخو بخو فأكيد راح تكون من الموصل ـ باب الطوب ! الخلاصة من هذا الحچي كله إنه التسريبات اللي طلعت البارحة لازگة بأبو سريوه لو ١٠٠ نفي ينفي لأن إحنه ولد گرية وكل واحد يعرف أخيه .. وسلامتكم .. إرجعلي زميلي المخرج .. =AZVQtvvZyUnBVXmp7yNH1iNvVhOjwXfs4dVdTA7be0-SzC94czyFqTK0F6G9IlCjOhUSuSZhGmGlaMrpFVPGLvVJ_thot93BPgFA9iLEj6qJ0YOkNJAzM6k7_PVTJqrIblU&__tn__=*NK-R]#احمد_مكيه
الـوحـدة المسيـحـية هي تلك التي أرادها الرب يسوع المسيح (له المجد ) وما عـداها فـهي لـقاءات لأكل القوزي والتشريب والسمك المزگوف وترس البطون من غير فائدة
أقبح الأشياء أن يصبح كل شئ في الحياة جميل!! @@@@ ولا تحدثني عن الحب فدعني أجربه بنفسي @@@@ ليس بالضرورة ما أكتبه يعكس حياتي..الشخصية هي في النهاية مجرد رؤيه لأفكاري..!!
العمل/الترفيه
20/7/2022, 10:08 am
