البلد : مزاجي : الجنس : عدد المساهمات : 9588تاريخ التسجيل : 07/07/2011الموقع : في قلب بلدي الحبيبالعمل/الترفيه : السياحة والسفر
موضوع: الأبراج وتفسير الأحلام/الكاتب ابن الملحة 20/7/2017, 9:33 am
الأبراج وتفسير الأحلام
الكاتب ابن الملحة
افتحلكم فنجان يصلح لكل زمان ومكان كانت النساء كل يوم جمعة تلتم حول امي يدخنون سكائر اللف من تبغ كارة المشهور ويشربون الگهوة ويقراون فنجان
شوفي هذا طريق مفتوح كله خير وهذي عصفورة جايبتلچ خبر كلش حلو ,گامت ام وضحة وگالت يامذبورة هيچي گلتيلي ذيچ الجمعة اللي راحت وماتت هايشتنا واذا ماتت ابو محمد مو جابلچ كيلو حنة ولساع ما شفنا ده اسكتي اسكتي شوفي عندچ رزق شوفيا ها السمچة اي دادا من حلگچ الباب السما گامت ام سالم منين يجي الرزق اشو زلمنا اليوم كله گاعدين بالگهاوي جاوبتها ام حردان لاتكفرين بنعمتچ واشكري ربچ مو غنماتچ كلهم حبلى وراح يجوبولچ طليان ولك ابن ((الملحة)) شگاعد تسوي بين النسوان ابن ((الملحة)) كان عمره اقل من 8 سنوات وجت ترفة هي عمرها كان تقريبا بعمر ابن((الملحة)) لزمت ايده وگالت امشي نلعب بس طلعوا من الباب گالت ترفة نفتح فنجان جاوبها ابن ((الملحة)) ما عدنا گهوة گامت ترفة وتفلت بايدها واخذت تراب وخبطت بتفالها وگالت شوف صار عندنا گهوة افتحلي الفنجان مسك ابن ((الملحة)) يد ترفة وگاللها ما ااعرف افتح كالت تعال اني افتحلك اخذت يده وقالت امممم سمعت عندكم حلاوة من الموصل جاوبها عدنا بس امي خالتها بالصندوق وقافلتها اكتئب وجه ترفة فجن جنون ابن ((الملحة))وصاح بيها يامذبورة وين مولية اخذ حجرا صغير وانهال على قفل الصندوق الى ان انكسر واخذوا باكل الحلاوة حتى نفذت وقبض عليهم بالجرم المشهود وسالت منوا اكلها الحلاوة جاوبها اني بس انت والا مضروبة الجلوة وبدات النعال تنهال من كل صوب كالصواريخ هرب ابن((الملحة)) الى بيت ابو ترفة وتخبا عند ام ترفة الى المغيب
في الفنجان القادم نكمل المشوار
الـوحـدة المسيـحـية هي تلك التي أرادها الرب يسوع المسيح (له المجد ) وما عـداها فـهي لـقاءات لأكل القوزي والتشريب والسمك المزگوف وترس البطون من غير فائدة
أقبح الأشياء أن يصبح كل شئ في الحياة جميل!! @@@@ ولا تحدثني عن الحب فدعني أجربه بنفسي @@@@ ليس بالضرورة ما أكتبه يعكس حياتي..الشخصية هي في النهاية مجرد رؤيه لأفكاري..!!